糖百府 (已結業)

有次同朋友行完街好热出哂汗😅，谂住食下甜品凉下，就近近地去呢间糖百府。坐低想叫杯冻水，个职员话得热水，难免有啲扣分。🙈  由于唔系繁忙时间，好快就黎左个宇治金时绵绵冰(同朋友share)。个样就几大几令，食左一啖就知伏😱。  虽然做到绵绵地嘅口感，但完全无清香嘅抹茶味，反而系一种腥温温嘅怪味😩😩😩。我去过日本京都(近宇治市)，食过果到嘅抹茶产品(特别系雪糕)，所以知道真正嘅抹茶味系香浓而不甜腻🍵😋，令人难以忘怀，但香港唔少甜品店都做唔到接近嘅水准😔。  另外，红豆就太甜，我估系浸过糖水，所以红豆嘅香味都出唔到😕。而小丸子就太硬，𡁻左好耐，重痴住啲牙😲。   虽然我朋友觉得可以接受，但我对糖百府大失所望(其实唔止一次)，无下次。🙊🙊🙊