泰聚 (已結業)

天水围无几多野食拣，新开左呢间泰国菜，见佢装修几好都抱左啲期望。琴日第一次去，同屋企人庆祝生日。野食整体都好普通，价钱唔算贵，不过咁既食物质素就唔抵，无下次，无食过既人都可以唔洗试，贪近都宁愿去元朗屯门果啲。逐样讲下啲野食先：柚子沙律成餐算较好，但啲虾都系无味，ok啦，啲柚子甜啰炒通菜少少辣，普普通通，唔惹味菠萝炒饭无乜味，普通茶餐厅质素，纯粹放左上个菠萝度咖哩蟹无咖哩味，得椰奶味，蟹肉又好散，食蟹钳都食到好似拆肉咁一丝丝薄饼份量好少，仲好似百佳买番黎雪藏果啲咁，厚厚一块份咁，唔似其他泰国菜餐厅即场手造咁松化泰式小食拼盘个虾饼味道唔错，劲弹牙。有个叶包住既鸡肉，我个人觉得全餐最好食，好juicy又入味。串烧，好硬，硬到连咩肉都唔肯定其他鸡翼，鱼饼同春卷普通。蒜蓉包呢个好食，最好系佢又够热又脆，仲有好浓蒜蓉味芒果糯米饭几好食，不过芒果唔够甜，可能唔当造～椰汁西米糕十分普通，食半旧试下就够整体所以𩠌都好普通，最大问题系唔够热，黎到枱面已经冻晒，泰国菜应该好惹味，但佢一啲都无，真系非常普通。食完我全家都话自己煮好过，咁你明啦。服务一般啦，个个都唔系好熟手蒙下蒙下咁。环境几靓，不过野食差靓都无