桔梗 (已結業)

520谂住出去庆祝吓 点知真系有难忘嘅经验食到一肚气1:餐厅楼面我谂完全冇经过training，直到上菜枱面都未见有杯碟碗筷子匙羹。唔知以为去咗印度2:出菜等足一粒钟，整个过程催左三四次。最后一次我话10分钟唔上菜就买单走，点知最后1分钟先同我上菜3:叫咗个2人寿喜烧套餐，七百几蚊仲要+1。但系呢个套餐嘅话我谂$300都比多。完全唔值 因为蔬菜嘅成份比较多。肉类比较少。4:配料冇人讲解或介绍点样用。如果未食过寿喜烧可能真系一头雾水。5:楼面水准完全零分，冇人照顾到2楼3楼嘅客人，想加水加汤完全叫唔到人。最后要亲自落楼左手拎水右手拎汤，胳肋底夹住两只杯上楼。d楼面完全无动于衷，唔好意思嘅感觉都冇。好似自己觉得去咗自助餐6.叫咗杯咖啡，完全无甜。我谂正常 但系枱面有冇糖或者糖水。想揾人又无人7:自称黄店，但系厨房系有人唔识听广东话。系讲普通话 可能系台湾人？总评：伏中之伏，不推荐，不回头不讲菜色质素 。净系讲服务 0分。最基本饮食业意识都无。安排混乱 一塌糊涂又要不停入客开埋二三楼。咁做法迟早收档。我希望唔系食人血馒头。今时今日仲有咁服务令我大为震惊。