影片
更多
2019-10-03
669 浏览
成日行过海港城，总会见到一间标榜米芝莲一星嘅日式拉面，见今日同朋友聚旧，想食下好嘢，心血来朝就入咗去。一入到去，服务员都主动友善带我入位，坐低后，见到餐牌各种嘅拉面，真系唔知点拣好，就问服务员「有乜推介」，佢同我讲「呢度最出名系酱油拉面」，好，我就怀住一个兴奋且期待嘅心情，叫咗碗酱油叉烧拉面。大约五分钟左右，一碗整好嘅拉面就端到我面前。我动起双筷，谂住好好品尝吓碗面啦，先饮啖汤，暖嘅，再饮多啖，微咸，水沟豉油嘅味道。唔通传统嘅日本拉面系咁嘅味道，系咪我唔识欣赏?我抱住疑惑嘅心情，决定直接进攻碗面嘅主角——叉烧。我一手夹起，放入口，X你个街，冻嘅。块叉烧中间仲有啲略红，生生地嘅味道，唔讲我仲以为拍紧《人在野》。食到呢度，我已经对碗面大失所望，谂住食番啖面可以俾啲惊喜我，平复番我惆怅嘅愁绪。结果，我错喇，面条一咬即散，面质毫无烟韧、弹性可言，系咪 overcooked 我唔知，但𠮶一刻我脑里面只有两只字——「难食」。最后，我同友人怀著悲愤嘅心情，含著泪吞咗碗面佢，心痛咁俾完钱就急急脚走咗，誓言不再踏入呢间拉面铺半步。总括而言，呢碗酱油叉烧拉面，汤淡，叉烧冻而粗糙，面条毫无口感，毫无性价比可
一入到去，服务员都主动友善带我入位，坐低后，见到餐牌各种嘅拉面，真系唔知点拣好，就问服务员「有乜推介」，佢同我讲「呢度最出名系酱油拉面」，好，我就怀住一个兴奋且期待嘅心情，叫咗碗酱油叉烧拉面。
大约五分钟左右，一碗整好嘅拉面就端到我面前。我动起双筷，谂住好好品尝吓碗面啦，先饮啖汤，暖嘅，再饮多啖，微咸，水沟豉油嘅味道。唔通传统嘅日本拉面系咁嘅味道，系咪我唔识欣赏?我抱住疑惑嘅心情，决定直接进攻碗面嘅主角——叉烧。
我一手夹起，放入口，X你个街，冻嘅。块叉烧中间仲有啲略红，生生地嘅味道，唔讲我仲以为拍紧《人在野》。食到呢度，我已经对碗面大失所望，谂住食番啖面可以俾啲惊喜我，平复番我惆怅嘅愁绪。结果，我错喇，面条一咬即散，面质毫无烟韧、弹性可言，系咪 overcooked 我唔知，但𠮶一刻我脑里面只有两只字——「难食」。
最后，我同友人怀著悲愤嘅心情，含著泪吞咗碗面佢，心痛咁俾完钱就急急脚走咗，誓言不再踏入呢间拉面铺半步。
总括而言，呢碗酱油叉烧拉面，汤淡，叉烧冻而粗糙，面条毫无口感，毫无性价比可言，难食。
张贴
