影片
更多
2023-12-25
84 浏览
早前睇到天后有瑞士餐厅，评价又见价钱唔太贵，食过尖沙嘴某瑞士餐厅对瑞士芝士火锅念念不忘既我于是想同老婆食返餐瑞士圣诞餐过节。去到坐低先发觉原来平安夜同圣诞只可以点都几贵既圣诞餐，比预算多左一倍，但坐低坐，又见佢有威宁顿牛，于是谂住贵啲都算啦，点知就出事。我地都未点餐，一个目无表情既后生女侍应就粒声唔出咁放低两个餐包同牛油，（正常点完餐先上包吧？）可能圣诞节，人手不足吧，挥左十分钟手先有侍应埋黎写餐，侍应系食住香口胶帮我地点餐，作为西餐厅，侍应食住香口胶同我写菜，心𥚃面有啲：吓？既感觉，anyway, 叫左份芝士火锅套餐，同威宁顿牛套餐，套餐跟餐酒，头盘，汤，主菜，同甜品。汤好快就上左，当我地开始搣面包点汤时，头盘已到，心谂，又几快㖞，但当我地枱面已经有汤，餐包，同头盘，枱已经八成满，我地啱啱开始食左两啖包时，个目无表情既女侍应已经搬左个芝士火锅出黎，仲帮我地点左火，枱已经九成满，然后我地都仲未食完个包，佢已经捧埋芝士火锅既包粒同一碟点芝士既菜，肉，海鲜拼盘出黎，将我地既枱塞到满晒，我地唯有加速食，而正当我地啱啱食完餐包时，佢又已经捧埋我个威宁顿牛出黎！佢望一望我张枱，已经连一杯水都塞唔
去到坐低先发觉原来平安夜同圣诞只可以点都几贵既圣诞餐，比预算多左一倍，但坐低坐，又见佢有威宁顿牛，于是谂住贵啲都算啦，点知就出事。
我地都未点餐，一个目无表情既后生女侍应就粒声唔出咁放低两个餐包同牛油，（正常点完餐先上包吧？）可能圣诞节，人手不足吧，挥左十分钟手先有侍应埋黎写餐，侍应系食住香口胶帮我地点餐，作为西餐厅，侍应食住香口胶同我写菜，心𥚃面有啲：吓？既感觉，anyway, 叫左份芝士火锅套餐，同威宁顿牛套餐，套餐跟餐酒，头盘，汤，主菜，同甜品。
汤好快就上左，当我地开始搣面包点汤时，头盘已到，心谂，又几快㖞，但当我地枱面已经有汤，餐包，同头盘，枱已经八成满，我地啱啱开始食左两啖包时，个目无表情既女侍应已经搬左个芝士火锅出黎，仲帮我地点左火，枱已经九成满，然后我地都仲未食完个包，佢已经捧埋芝士火锅既包粒同一碟点芝士既菜，肉，海鲜拼盘出黎，将我地既枱塞到满晒，我地唯有加速食，而正当我地啱啱食完餐包时，佢又已经捧埋我个威宁顿牛出黎！佢望一望我张枱，已经连一杯水都塞唔落（btw, 唔知点解所有嘢食都到齐，但偏偏应该最先到既餐酒未到啰）佢就同我地讲：将枱无位放，你碟牛我放隔离枱先啦！下？！咩料呀？我食紧西餐圣诞套餐，唔系澳牛光速餐㖞！我个餐系澳牛十倍价钱，唔洗俾十倍时间我食，但俾返足够一个正常肚饿既男人食完个汤同头盘先上主菜都得挂？而我平时系十五分钟KO一个两食送饭既人，可想而知佢上得几快。
我一路用最快速度饮完个汤同食完个头盘，一路叫左香口胶侍应黎同佢讲：你啲主菜会唔会上得太快？我仲饮紧汤，头盘都未开始食，你咁快同我上牛扒，你睇份牛逼到要放隔离枱，我点食呀？佢望一望碟牛，谂左阵，然后话：唔好意思呀，今日节日，上菜系急左少少，然后走左。What? 咁就算？
好不容易食到海鲜头盘，我老婆望住碟牛，忍唔住又叫左另一个女侍应黎，同佢讲：碟牛放左系度好耐，我地都未食得住，你可唔可以帮我拎返入厨房翻热翻佢呀？唔系摊冻晒点食？个女侍应有啲无奈咁拎返碟牛入去。
好不容易扒晒前菜，终于开始食芝士火锅（而家想食威宁顿牛又无得食啰），但个芝士火锅啲火种已经烧完熄左，又要叫人黎点返火。食左几粒芝士包，跟住牛亦返黎，食左两啖，啲餐酒终于到，但如大家所料，边有人翻热牛扒架？块牛第一次上（隔离）枱时系有啲粉红色，约五成熟，今次再上，变左well done 牛，唉，都无计，照食啦。
食完主菜后8:25pm, 叫左女侍应黎点甜品（其实一开始香口胶侍应已经写左我地要咩，不过讲多次唔紧要啦），等左15分钟，8：40， 迟过我地食完既隔离枱啲甜品都到左，我地都未到，于是又叫返女侍应返黎追单，佢又问我地点左咩，于是我又讲多次，佢话帮我追。
8：50，远啲果枱又食完，又上左甜品，我地都仲未到，于是我地又叫左女侍应黎，佢望一望我地张枱，然后话：下？仲未到呀？我地一齐话：系呀，仲未到呀！佢话帮我地追追单，行开左两步，又返转头问：你地叫左啲咩呀？于是我托住个下巴同佢讲第三次。
8：55， 个女侍应经过，见到我地张枱仍然系吉，隔离早过我地食甜品果张枱已经埋左单走，佢主动埋黎讲：唔好意思，厨房煮紧，好快（下？我叫左朱古力蛋糕同苹果挞，点煮紧呀？）Finally, 9:00pm, 我地甜品终于到。
最出奇系咩呢，我地等左10分钟先有人黎写单，等左35分钟先有甜品，但一讲埋单，系即时有人埋黎，拎左信用卡后，两分钟唔洗就埋好单，睇黎佢地又无想像中咁忙㖞。
讲左咁耐，服务同用餐时间讲完，讲食物质素：威宁顿牛系散晒，牛同稣皮系分离既，牛well done 就不在话下，稣皮系淋既，至于个芝士火锅，个火种烧太快，要换左三次火种，但芝士唔够，最后要刮晒底先点到最后一块包，点芝士既包系又韧又硬，点芝士既西兰花预先漉到淋晒，放落个锅度都吉唔返上黎系啲芝士度解体，甜品苹果挞硬到用甜品匙羹系切唔开，大力压落去，成块挞爆开炸到成枱都系挞皮。
连加一食左702蚊一位, 上菜要慢既时候快，要快既时候慢，仲要咁既食物质素，送多餐俾我都唔会返去。
题外话：隔离枱情侣仲惨过我地，佢地个芝士火锅上完后，佢地一边望住个火一边举手，等左十分钟先有人理佢地，原来佢个火锅又无火又无叉，望住都无得食
歌剧院朱古力蛋糕
2 浏览
0 赞好
0 留言
威宁顿牛柳
5 浏览
0 赞好
0 留言
芝士火锅
3 浏览
0 赞好
0 留言
张贴
