影片
更多
2019-05-05
253 浏览
考虑紧既你可以考虑其他。旺角仲有好多正常人类去既地方啱你。今晚同学聚会，约咗上楼上cafe，位置系旺角呢幢成幢都系宾馆嘅大厦度，喺楼下兜嚟兜去先揾到个门口，因为一路都唔相信一间Cafe会系呢栋咁嘅大厦入面。入到个大堂见到个水牌，系揾唔到呢间Cafe嘅，净系见到好多好多宾馆。成个大堂都系游客，相信系住呢幢大厦入边几十间宾馆嘅。仲要坏净一部lift，部lift仲要好容易超重，好有问题。上到4楼先至真系恐怖，周围都系晾晒衫同被，周围黑蚊蚊，十足睇鬼片入边嘅场景。摸黑去到门口，入到去见到得6张枱，灯光暗。仲要有浸猫味添，怕动物味嘅你真系唔好考虑上嚟，如果唔系真系食唔到一餐安乐饭。食物唔多选择，晚餐得几个set，我地想用open rice个79折，竟然系一定要叫主菜加饮品先可以79折。我叫左芝士炸鸡扒配番茄茸意粉，已经算系比较大份。朋友叫既其他野真系细到无眼睇。鸡扒劲细块，炸完竟然系湿既，一啲都唔脆唔香。意粉系用千岛酱加少少番茄汁捞既，系千岛酱！真系闻所未闻。呢度上菜速度非一般慢，全场得五枱客，我地竟然都等左半个钟。被迫叫杯野饮，想叫啲平时少见啲既，就叫左士多啤梨乳酪。黎到成杯系白色既，咁好明显
今晚同学聚会，约咗上楼上cafe，位置系旺角呢幢成幢都系宾馆嘅大厦度，喺楼下兜嚟兜去先揾到个门口，因为一路都唔相信一间Cafe会系呢栋咁嘅大厦入面。入到个大堂见到个水牌，系揾唔到呢间Cafe嘅，净系见到好多好多宾馆。
成个大堂都系游客，相信系住呢幢大厦入边几十间宾馆嘅。
仲要坏净一部lift，部lift仲要好容易超重，好有问题。
上到4楼先至真系恐怖，周围都系晾晒衫同被，周围黑蚊蚊，十足睇鬼片入边嘅场景。
摸黑去到门口，入到去见到得6张枱，灯光暗。
仲要有浸猫味添，怕动物味嘅你真系唔好考虑上嚟，如果唔系真系食唔到一餐安乐饭。
食物唔多选择，晚餐得几个set，我地想用open rice个79折，竟然系一定要叫主菜加饮品先可以79折。
我叫左芝士炸鸡扒配番茄茸意粉，已经算系比较大份。朋友叫既其他野真系细到无眼睇。鸡扒劲细块，炸完竟然系湿既，一啲都唔脆唔香。意粉系用千岛酱加少少番茄汁捞既，系千岛酱！真系闻所未闻。
呢度上菜速度非一般慢，全场得五枱客，我地竟然都等左半个钟。
被迫叫杯野饮，想叫啲平时少见啲既，就叫左士多啤梨乳酪。黎到成杯系白色既，咁好明显啲所谓士多啤梨系糖浆黎。饮落众望所归，甜到不行，同系大陆饮既娃哈哈差唔多。唉，饮完仲衰过饮珍奶，热量爆表又唔健康。而家谂返起都有啲想作呕添。
埋单人均$140。咁伏既经历安全唔可以接受。
呢度唔系可一不可再，系一次都唔好黎。唔系三思，系一次都唔好考虑。
张贴
