泰芒了 (已結業)

经开旺角，又记得依两日睇过网上介绍，就兜路去依间泰芒了，门面好细，去嘅时候啱啱师父休息时间，店员叫我地落定单半个钟后黎拎，咁一场黎到梗系等啦，去联合行住等。过咗半个钟，返到去见劲多人系度等，店员挂住出之前啲单，都唔得闲落新单。好多人见人多都走咗。得一个店员根本做唔切，我谂间舖都估唔到会咁好生意。等多十分钟先到我，拎上手真系好大杯，急不及待饮一啖⋯⋯唔冻嘅⋯⋯ 上面大大旧芒果都唔冻。芒果汁都几清甜，但唔系想像中芒果嘅浓香甜味。上面芒果肉份量都ok。芒果肉同芒果汁之间嘅白色物体，我以为系椰汁但原来系cream，嗯，真系唔系好夹，仲好滞。（仲要系半固态）最后真系饮唔落啲cream。不过就算无咗啲cream都唔觉得特别好饮。希望只系因为太多客佢先咁差品质，如果唔系热潮一过，真系好难做落去，至少，我唔会再帮衬。