影片
更多
2022-12-02
329 浏览
见广告同食评都几ok，公司同事一行十人去试吓呢间新嘢，一嚟大家都未食过，二嚟志在围埋倾计，我哋只叫咗基本烧肉set。环境：装修唔错，唔会好窄好嘈（相信系平日夜晚，入坐率大约6成，有d一个人烧），但抽油烟囱拉到好低，完全见唔到前面个人😂。某d座位冷气超冻！重点，食物：以$268一位嚟讲，个人觉得食物种类略为多番少少比较合理。肉类质素同调味都系一般。火力好大，食物好快烧㶶，想较细火又自动熄火😩。饮品自取，选择唔多，骤眼睇只有冻饮，喺雪柜攞咗杯杯装绿茶，又唔热又唔冻嘅。食物全部手机落单，食物嚟得都快，冇漏单。服务：唔差，都多嚟收碟。不过本人比同事迟到，入场时冇职员接待招呼。揾waiter帮手影合照，有主动攞走透明隔板同餐牌先影。不过10个人合照佢只影咗两张，一张失败（有人未准备好😅），得一张成功。埋单时收银职员乐意分单🧾，方便我有揸车嘅同事！👍🏻每张枱每个位都有柜桶，放满纸巾、牙签，但咁大件事竟然冇人讲！戏肉：晚饭后冇几耐，本人同另一同事已经肚痛肚疴，再有一位同事肠位不适，第二朝医生诊断为急性肠胃炎！而我哋三人都有当晚都食咗生蚝，1至4只不等！利申，真实食客意见，唔系乱作想唱衰！希望店主店员
环境：装修唔错，唔会好窄好嘈（相信系平日夜晚，入坐率大约6成，有d一个人烧），但抽油烟囱拉到好低，完全见唔到前面个人😂。某d座位冷气超冻！
重点，食物：以$268一位嚟讲，个人觉得食物种类略为多番少少比较合理。肉类质素同调味都系一般。火力好大，食物好快烧㶶，想较细火又自动熄火😩。饮品自取，选择唔多，骤眼睇只有冻饮，喺雪柜攞咗杯杯装绿茶，又唔热又唔冻嘅。食物全部手机落单，食物嚟得都快，冇漏单。
服务：唔差，都多嚟收碟。不过本人比同事迟到，入场时冇职员接待招呼。揾waiter帮手影合照，有主动攞走透明隔板同餐牌先影。不过10个人合照佢只影咗两张，一张失败（有人未准备好😅），得一张成功。埋单时收银职员乐意分单🧾，方便我有揸车嘅同事！👍🏻每张枱每个位都有柜桶，放满纸巾、牙签，但咁大件事竟然冇人讲！
戏肉：晚饭后冇几耐，本人同另一同事已经肚痛肚疴，再有一位同事肠位不适，第二朝医生诊断为急性肠胃炎！而我哋三人都有当晚都食咗生蚝，1至4只不等！
利申，真实食客意见，唔系乱作想唱衰！
希望店主店员见字会接受意睡，跟进一吓！
张贴