ねずみの王冠 喫茶店

营业中

休息中

星期六晚，我约咗朋友去呢度食饭。以前曾经试过午市过嚟食，要Walk in排队，今次谂住醒咗提前book位，结果原来系中伏嘅开始。一想到餐厅，发现全场计埋之后入咗嘅𠮶张枱得两枱，心谂已经大镬😢，但系唔紧要，难得book咗枱，照入去食啦。我哋叫咗个二人套餐，本身非常期待佢哋嘅和牛粒炒饭同埋海鲜锅。因为见佢哋上嘢饮嘅时候，睇落去都唔错。个炒饭嚟到嘅时候，我差啲讲粗口，佢啲和粒炒饭啲和牛同我想像嘅「粒」有好大差距，唔系平时见到𠮶一种一粒粒，而系一粒粒米嘅尺寸。后尾嬲得滞叫多一条和牛串烧加落去。去到海鲜锅嘅时候已经冇点影相，一嚟食到成肚火，二来外观唔系太靓。但系海鲜锅都系好难食，味道非常之腥，唔知系因为食材唔新鲜定系冇加到其他去腥嘅调味，全部嘢都系有浸好重嘅腥味。结尾嚟咗个甜品，因为本身甜品冇讲到系乜嘢，我哋都好期待可以靠佢挽回局势，点知你都系得几条黄豆粉厥饼，食落去仲要完全冇口感。净系套餐都嗌咗五百几蚊，咁样嘅食物质素点拎得出嚟。经过今次之后应该唔会再去呢一间餐厅，亦都唔建议大家去食。