影片
更多
2023-06-14
245 浏览
无野做，四围揾食。好少去堡垒街区，就上去八卦。天降失魂雨，求其见单茶餐厅光光猛猛就闪咗入去。点知悟出 -- 开餐厅唔需要厨艺，最紧要系有勇气。点咗两味：泰式蚝饼；另一味佢话冇黄鳝,就推介必试铁板牛仔骨。泰式蚝饼见图，成碟一粒粒波黎嘅！？饼？边度有饼？边度能够成之为一个饼？恕我见识少，真系冇见识过蚝饼，可以变成散收收一粒粒，成碟粒粒雪糕咁。百思不得其解，望望前边𠮶枱，啱啱上咗一味椒盐九肚鱼。咁我断估应该系佢两样一齐整，用椒盐九肚鱼浆，求其炸咗啲蚝仔粒，就当蚝饼上枱。味道同椒盐九肚鱼九成九相似，虽不中亦不远矣。跟住店主推介嘅铁板牛仔骨一上枱，我立即喝停佢唔要白饭，厉行止蚀。一睇个芡，就知佢完全唔识煮𩠌，应该系求其揾啲牛仔骨，炒啲菜头菜尾（啲韧到起晒筋嘅西芹,加啲切到不成型嘅甜椒），最尾成碗生粉水就咁倒落去，先至做到呢一个咁核突嘅效果。牛仔骨仲要夹硬解冻，雪味浓郁，韧到抽筋。埋单承惠260两个小菜，可谓「负性价比」。味道同价钱完全系伏过九伏天嘅一餐晚饭，起码有五六年冇伏到咁尽。略分一笔讲餐厅环境，绝对有置身福建嘅异乡感觉。中间一台大大声用福建话猜枚，店内食客连讲普通话嘅都少，差不多声一色系讲
好少去堡垒街区，就上去八卦。
天降失魂雨，求其见单茶餐厅光光猛猛就闪咗入去。
点知悟出 -- 开餐厅唔需要厨艺，最紧要系有勇气。
点咗两味：泰式蚝饼；另一味佢话冇黄鳝,就推介必试铁板牛仔骨。
泰式蚝饼见图，成碟一粒粒波黎嘅！？饼？边度有饼？边度能够成之为一个饼？
恕我见识少，真系冇见识过蚝饼，可以变成散收收一粒粒，成碟粒粒雪糕咁。
百思不得其解，望望前边𠮶枱，啱啱上咗一味椒盐九肚鱼。咁我断估应该系佢两样一齐整，用椒盐九肚鱼浆，求其炸咗啲蚝仔粒，就当蚝饼上枱。味道同椒盐九肚鱼九成九相似，虽不中亦不远矣。
跟住店主推介嘅铁板牛仔骨一上枱，我立即喝停佢唔要白饭，厉行止蚀。一睇个芡，就知佢完全唔识煮𩠌，应该系求其揾啲牛仔骨，炒啲菜头菜尾（啲韧到起晒筋嘅西芹,加啲切到不成型嘅甜椒），最尾成碗生粉水就咁倒落去，先至做到呢一个咁核突嘅效果。牛仔骨仲要夹硬解冻，雪味浓郁，韧到抽筋。
埋单承惠260两个小菜，可谓「负性价比」。味道同价钱完全系伏过九伏天嘅一餐晚饭，起码有五六年冇伏到咁尽。
略分一笔讲餐厅环境，绝对有置身福建嘅异乡感觉。中间一台大大声用福建话猜枚，店内食客连讲普通话嘅都少，差不多声一色系讲福建话，浓浓的异乡情怀。
味道：
环境：
价钱：
泰式蚝饼 ....㖞
$100
53 浏览
0 赞好
0 留言
招牌铁板黑椒牛仔骨
$158
35 浏览
0 赞好
0 留言
张贴
