紅蔥頭 (已結業)

第一次来晚餐，叫左两个铁板餐，西冷扒、西冷拼猪扒。加六蚊跟餐，有汤同蒜蓉包同一杯热饮。个cream汤淡而无味，得奶味。个罗宋汤系罐头汤，d牛肉粒好硬。个蒜蓉包ok，咬落去几脆。点餐前侍应问我地西冷要几成熟，我地话五成，谁知道上菜后吓死，个牛扒系十一成熟，熟过头！超硬；d薯条相反，淋晒！一d口感都冇。个西冷拼猪扒仲好笑，个牛扒熟到劲难切，猪扒上菜时系烂既，都算！最搞笑系薄到唔洗切，一扯扯开！薄到呢...系冇肉食。最后叫野饮想睇下餐牌有咩拣，点知个所谓高级侍应叫我加16蚊叫特饮，忙到连餐牌都唔得闲攞俾我。叫左第二个所谓高级侍应攞，佢答：「唔洗睇啦，黎黎去去得果d，奶茶咖啡柠茶。」我地连单都未落佢就走左。埋单时佢地块面黑到呢，俾张单我地睇系直接抛落黎，茶餐厅啊叔都好礼貌过呢d高级侍应。讲真冇食过咁难食既牛扒，煎牛扒可能都需要少少技术，但猪扒都可以难食到咁。伏伏伏伏伏伏伏！以后唔会再黎，我宁愿食大快活。餐厅字面有cafe，心想应该是西餐厅，但服务仲衰过茶餐厅，态度差！d野又冇一般茶餐厅好食，而且仲要加一，埋单$232。