影片
更多
2020-04-18
811 浏览
今日要去一去新蒲岗，好耐无出街食，谂住食好少少，食个扒点睇？！～依条街不愁揾唔到食呀～餐厅多不胜数，但食扒的就寥寥可数，试过附近两间都不错，见呢间评语好坏参半，好奇之下驱使我一试！一试便知龙与凤⋯入到餐厅感觉系⋯一个字「迫」！每张枱都紧贴隔离张枱，而且我真心唔明点解咁多人，你话佢特别平咩？又唔系呀～讲服务，零分！因为两个楼面架女侍应都系粗声粗气超赶人feel！我当日叫左扒餐，想要茄汁同喼汁，佢好晦气咁答：「无喼汁！」Fine..无喼汁好闲啫⋯⋯但态度可以好啲啰下！餐汤要一红一白⋯哗！个白汤食到一嚿二嚿粉团，红汤有不明物体⋯算，我当时运高睇佢唔到⋯亦都无投诉⋯之后同事点左个鱼饭，我食意粉！主食份量少，我同同事都唔算大食，但真系唔够食，唔系食下午茶㖞大佬！我地坐正喺厨房对出果个位，佢地系咁捧住啲嘢出出入入，食得好唔安乐！最后点左餐饮花茶，佢拎左壶花茶嚟粗声粗气加句：「不设添饮！」喂呀～好无礼貌啰！首先，我无话要添饮，其实可以礼貌一点，等人食得舒服少少？你以为完咩？未！最离谱架地方未讲，正正系因为我地坐正喺厨房门口对出，同事见到里面有个男人系无戴口罩！WHAT?!无言⋯呢啲咁架时势，唔戴口罩
依条街不愁揾唔到食呀～餐厅多不胜数，但食扒的就寥寥可数，试过附近两间都不错，见呢间评语好坏参半，好奇之下驱使我一试！
一试便知龙与凤⋯
入到餐厅感觉系⋯一个字「迫」！
每张枱都紧贴隔离张枱，而且我真心唔明点解咁多人，你话佢特别平咩？又唔系呀～
讲服务，零分！
因为两个楼面架女侍应都系粗声粗气超赶人feel！
我当日叫左扒餐，想要茄汁同喼汁，佢好晦气咁答：「无喼汁！」
Fine..无喼汁好闲啫⋯⋯但态度可以好啲啰下！
餐汤要一红一白⋯
哗！个白汤食到一嚿二嚿粉团，红汤有不明物体⋯
算，我当时运高睇佢唔到⋯亦都无投诉⋯
之后同事点左个鱼饭，我食意粉！
主食份量少，我同同事都唔算大食，但真系唔够食，唔系食下午茶㖞大佬！
我地坐正喺厨房对出果个位，佢地系咁捧住啲嘢出出入入，食得好唔安乐！
最后点左餐饮花茶，佢拎左壶花茶嚟粗声粗气加句：「不设添饮！」
喂呀～好无礼貌啰！
首先，我无话要添饮，其实可以礼貌一点，等人食得舒服少少？
你以为完咩？未！最离谱架地方未讲，正正系因为我地坐正喺厨房门口对出，同事见到里面有个男人系无戴口罩！WHAT?!
无言⋯呢啲咁架时势，唔戴口罩喺厨房出入系几咁大获！
出街食饭真系好大Risk！！
唉.....一肚气食到，谂住俾卡找数，原来唔收卡！
净系收Cash⋯⋯
我同事问佢可否俾张单我地？
呀～佢竟然望都唔望我地，成张单飞过嚟，系飞过嚟！
系咩态度？感觉很差！大家要小心！！
张贴