Roll & Mari (已結業)

晏昼谂唔到食咩好，就求其行咗入韩国街嘅一间餐厅，因为基本上所有韩国餐厅嘅Menu都差唔多，我哋都冇咩心水餐厅。呢间舖头好细，啲位亦都好窄，我哋叫咗个牛排骨汤饭，同埋一个石头锅饭，前菜只有一碟仔泡菜加一碗有几条海带嘅特浓胡椒味汤。呢个排骨汤饭都算经典，𠮶旧萝卜硬过我个头壳，成兜只有一旧白萝卜、两块牛排骨，几条粉丝，同埋加咗盐嘅清水做汤底。啲牛肉韧到飞起。呢个石头锅饭睇落系正常嘅，有一只窝蛋，但味道系唔好食，记得举手提出要辣椒酱，成兜饭好似冇落过油咁，干争争到飞起，饭焦系有嘅，但一啲都唔香，真心似煮㶶咗，总之成兜野都好干。干到真系食唔落，店员无啦啦俾咗支麻油我哋，落埋都系救唔到兜饭。