御升台之源 (已結業)

呢间野系咪好多打手？明明咁伏。成日见openrice好多食物图片，一睇就知唔系平民影，而系特登用专业少少既数码相机／foodie app，再加埋食评有好多hashtag、emoji－摆明系ig写开食评既KOL/foodie, 成篇抄上黎openrice。无论如何，自己条脷最准，唔得既借埋隔离位条脷，够中肯啦挂？嗱，今次第一次试呢间台湾野，就叫左呢个「苹果咖喱猪软骨饭」。d饭份量少，一个人绝对食得晒。问题黎啦，碗咖喱完全出事！日式咖喱都有最易整（或者咖喱之中最颓之选），佢好明显系日式咖喱，但淡到一个点，成碗好似沟左水咁仲有，佢有面浸住既根本系薯仔－隔离位试左旧薯仔，见仲有皮痴住要搣，但块皮黄色一点点，明显系薯仔皮，唔系苹果啰。虽知菠萝包无菠萝，鲸鱼唔系鱼，你呢碗苹果咖喱好歹都有返苹果丫？成碗都无食过有苹果味。得薯仔你唔直接叫薯仔咖喱？d豆角又系煮唔熟，一咬中间有好大浸草青味。唔系想浪费食物，但真系食到一半已经觉得自己好劲。