Amazing

营业中

休息中

因为喜欢饮冬荫公，见到酒店餐厅推出泰式火锅放题仲要无限时，无限提供红，白酒，啤酒，汽水，橙汁任饮，仲要有芒果糯米饭，星期日连埋加一只需要$268，性价比应该吾错，决定要去试一试，点知就中伏了，濑晒野。餐厅原来系用炭炉打边炉，烧红几旧大炭放响炉底，全晚靠𠮶几旧炭去整熟啲汤底和食物，个炉系热和整得熟啲食物(系浸熟)但需要用比较耐的时间，最大问题系个打边炉个器具，个锅底又浅又窄，中间又有个突出嚟嘅盘用嚟烤肉，甘就应该写清楚，我系一心一意嚟食火锅，吾系想食烤肉，而且呢个炭炉系完全吾会见到啲汤会滚起，锅底又浅，所以更加吾会见到啲丸呀，饺呀系因为熟左而浮起，所以打边炉烚嘅食物一系未熟一系就惊吾熟而煮得太熟，我终于明白点解会无限时，因为要用好长嘅时间去等待啲火锅配料浸熟，任食都无用，你吾会食到有几多食物，嘥时间。冬荫公汤底好咸，美国牛小排肉色是瘀红色，鲜虾不新鲜。前菜提供的泰式拼盘每人只得半件，除了虾饼超硬，其他不过不失。唯一可取是芒果糯米饭还可以，啤酒，橙汁，汽水正常，餐厅环境可以，星期日晚上，当晚只有大约3至4成食客，所以不会挤迫和嘈吵。