洛奇冰室 (已結業)

喺外卖平台见到呢间洛奇冰室，未试过特登叫之前上嚟OpenRice 睇吓，见冇乜负评就试吓。太太叫咗常餐都算系正正常常。我就叫咗咖喱吉列猪扒饭，嚟到时打开真系吓亲，第一，咖喱极少连薯仔都冇旧，薯仔乃土炮港式咖喱嘅灵魂，最少都要有一旧啩；第二，吉列猪扒毫不吉列，表面睇落似普通炸猪扒，然而粉厚猪扒薄，似超级市场卖嘅雪藏吉列猪扒；第三，在外卖平台索价$98，又唔好食又细份，成个咖喱饭最好食就系啲白饭，绝对不合格。