丁丁烤魚 (已結業)

见呢间几多好评就拣咗佢同食屋企人食饭，但系最后大家越食越黑面，埋单每位三旧，仲要唔饱。先讲服务，未入餐厅门口个呀叔已经系chur我哋入去，一轮嘴系咁sell，完全冇理过客人嘅feedback，净系不停讲佢自己𠮶堆台词。楼面明显系新手，似系一家人嚟，特别系有个后生仔，好似完全唔知呢度啲嘢点运作，我哋都未开始食已经想收走等紧水滚嘅火锅汤底，又唔熟啲枱号，又唔熟啲菜式，十问九唔知，仲要入错单。另一个年纪比较大嘅女员工又串到乜咁，问吓佢条鱼系大定细啫，一句得埋嚟”你先至知㖞”，真系叻嘅啫。剩系得一个后生女系醒目，但系可能佢太多猪队友，所以佢全程都好躁底。讲返个价钱，本身谂住叫𩠌嘅舖头食物质素会好过任食果种，sorry呀，真系放题火锅都好食过佢。嘢食份量又少，价钱又唔系平㖞，质素只系超级市场买到嘅货色(冇吹水)。最正系佢个生蚝，上到嚟系一嚿冰嚟，真系好生㖞。仲有，一定要收每位$8酱料钱，唔紧要，你真系有酱料俾人拣有乜所谓啫？佢个酱料吧嘅选择真系得辣椒，葱，芫荽，蒜，豉油同埋麻酱，俾啲咁嘅酱料人哋，又要必定收人哋$8一位，请问凭乜嘢呀？全间餐厅唯一可取嘅地方就系啲饮品唔系好贵，完。