Deli and Wine (已結業)

尖沙咀食嘢贵，尤其系旅游景点，仲要喺海边，真系食咩都贵⋯⋯Shopping行到脚痛、海边慢步晒到出汗嘅时候，嚟Deli and Wine坐吓、饮吓嘢、休息吓就最好不过！店内有免费饮用水自取，衰啲讲句，真系有人可以唔要面到入去拎杯水就坐住凉冷气，如果你面皮够厚都可以咁做，冇人会赶你走。不过嚟得我都见议大家叫返少少嘢食，因为真系唔贵，而且都几好味😋哩个芝士牛肉汉堡入面块牛肉细左啲，不过几香牛肉味，中间仲夹咗生菜同蕃茄，食落健康又唔会口干。薯条粗身，上面洒上辣味香料，有啲似Shake Shake薯条，味道唔太浓，唔会抢走薯仔嘅味道。店内有两个鸡饭，一个30几蚊鸡扒饭，一个60几蚊咖哩鸡饭，我唔知有几大分别，但想食咖哩，就叫咗哩个贵一倍嘅饭嚟食喇。一嚟到就见到面头满满炸蒜，I like it👍🏻咖哩加入洋葱同蕃茄等材料煮成，酸酸地又够香够惹味，真系好好食，推介！！！之后我见到隔离叫咗30几蚊嘅鸡扒饭，我终于知道有咩对比。碟嘢一眼望去系几大碟嘅，但就有啲茶餐厅风格，净系个碟都输晒，鸡扒都睇落似煮好咗好耐，翻热到淋晒，配菜都似家庭式西餐配菜，杂菜一堆乱放，望落去真系只值30几😂所以话，唔好贪平，不