圍威喂 (誠信中心) (已結業)

呢日去接女朋友做私事，所以我地就系佢公司附近既呢间餐厅食个靓靓下午茶啦！咁我就叫左一个无骨海南鸡饭同埋溏心蛋鸡扒吐司，野饮就冻奶茶同热柠蜜。海南鸡饭配既系油饭，我一向觉得海南鸡就系要配油饭先系王道！呢到既油饭粒尚算分明，味道唔错。而鸡既份量其实都唔少，睇相好似得面果层，但其实佢下低仲有层簿簿既鸡肉，鸡肉几嫩滑，唔会煮得过熟，配埋相中中间果只酱汁就更加惹味，微辣得黎好岩配饭食！个set仲包左个油菜仔，咁菜既份量就如图啦。另外女朋友叫既吐司，卖相好靓，但奇怪既系溏心蛋黎到变左太阳蛋，鸡扒就煎到外皮香脆，笃穿埋个太阳蛋再配埋香脆鸡扒同吐司食出奇地夹，而且鸡扒都好入味。而奶茶不嬲都系我至爱，呢到既奶茶茶味都几足，系我钟意饮既味道。总结黎讲，如果系附近番工或者咁岩经过既话，呢到不失为一个好既选择呀！完！