i CREMERiA Café (已結業)

同朋友行街攰攰地，经过呢间餐厅，入去同朋友食个下午茶，朋友点了个蜜瓜蛋糕及冻鲜奶，我本身只想点花茶，但收银姐姐话叫埋蛋糕抵啲，70几蚊有埋蛋糕，所以我就叫埋蜜瓜蛋糕，不过因为唔肚饿，所以蛋糕叫左外卖（收银姐姐好好，俾我件蛋糕放系雪柜，临走先攞返，好细心）。入去餐厅坐前，要自行登记安心出行资料，量体温洗手，跟住要自己揾位坐，然后放个号码牌系餐枱等人送餐黎。大约等左5分钟已经有野食，朋友话件蛋糕好好味，蜜瓜够甜，蛋糕松软，冻牛奶加了些焦糖，朋友话饮落去似冻咖啡。至于我杯花茶，用左个靓靓茶壶上，茶够热但茶味唔够浓，整体环境唔错，适合下午茶同朋友坐低倾下计既好地方。