District 8 (ELEMENTS圓方)

营业中

休息中

今日自己行完m+再过黎圆方，意外地揾到依间系顶层嘅餐厅，环境好好，喺呢度食咗一个性价比好高嘅two course lunch。椰菜花浓汤，蒜蓉长法包，咖喱🉐作为前菜嘅汤，呢度做得好出色，完全冇马虎。椰菜花浓汤真系用椰菜花去煮出嚟，啲椰菜花有烤过，所以更加香，再放落啲汤度煮，加埋忌廉成个汤好滑好浓菜味，另外仲有蒜蓉长法包可以点落啲汤度饮，法包系有啲咖喱粉，味道更特别。炖猪腩肉，猪手小丸子，芹菜头，苹果迷迭香酱汁🈵呢个主菜好出色，猪腩肉系炖嘅，所以好腍好嫩，但系同时都保持到猪嘅肉汁同肉味，另外猪手小丸子系炸嘅，炸得金黄香脆，内里系软林林嘅猪手，口感好特别，芹菜头亦都用一个好特别嘅煮法，好爽口好好食，酱汁都好香，令味道更加提升！依度嘅咖啡都好好饮，好香好浓，食完个lunch饮杯咖啡就啱晒。