Oggi (已結業)

𠮶日放假行完山，去到天后𠮶头想揾嘢食。行行吓见到有一间好特别嘅餐厅，门面有种好清新嘅感觉。入到去感觉好舒服，有好似系郊外进餐嘅感觉。除咗套餐仲有全日早餐可以选择。面包外脆内软，加上牛油更添风味。餐汤系薯蓉蒜头汤，好特别嘅组合，蒜头味唔太重，配合蒜蓉味道特别。金柚子沙律配橙油醋汁，沙律菜新鲜翠绿，橙油醋汁酸酸地非常开胃。香煎立鱼配蕃茄银鱼柳汁，立鱼煎得好香而且肉质嫩滑，蕃茄银鱼柳汁咸咸地与立鱼非常配合。墨西哥式鲜虾意粉配辣椒茄汁，鲜虾爽口弹牙，辣椒茄汁非常野味。甜品系普洱奶冻，奶冻有微微嘅茶香，入口非常顺滑，甜度刚刚好。餐厅价钱合理，服务态度一流。