Cow Bean (TKO Gateway) (已結業)

先吃纽西兰肉眼扒。一上枱，牛肉已经预先为客人切好一粒粒"bite size"，一口一啖牛，爽歪歪！肉嘅份量刚好，另有薯条和沙律。旁边有洋葱汁和芥末酱点，唔点汁食原汁原味嘅牛又得，食到闷闷地点下酱汁试下唔同味又得，得左！薯条较粗身，我钟意呀！啱啱炸起，十分挺身，热辣辣又香，食得出薯仔味，另有茄汁提供，薯条配茄汁呢个组合冇得输呀！最想赞嘅系佢嘅甜品真系超好食。叫咗一个青苹果一个红苹果。呢个甜品真系我食过咁多甜品之中最特别，一啲都唔系夸张。事关佢望落真系好似一个苹果咁样，一切开佢中间系苹果粒。青苹果入面系青苹果粒，红苹果入面系红苹果粒。其实唔系好试到两者的分别，但仔细尝尝，确实试到青苹果较红苹果酸甜清新。呢款甜品尽显甜品师傅的功夫。最外层系类似糖衣的皮，但又不是糖衣，只觉得口感似糯米糍，烟烟韧韧。糖衣包著白朱古力，白朱古力包著乳酪忌廉，最入就是苹果粒。吃这个甜品一点都不觉腻，而是吃完一口接一口，吃到停不了口！吃完这个甜品，感到大满足！