屋子生活 (已結業)

成日听人讲马鞍山系美食沙漠㖞，朋友叫我去马鞍山食嘢，我都当堂疾咗一下，即管去睇睇有咩食先。😂 嚟到呢个小商场入面嘅屋子生活，首先装修得好文青好靓啊。😍 假人都算多人，要等位同限时90分钟，好彩门口位有少少文创小物可以选购，行吓睇吓都唔闷。朋友叫咗份饭团套餐🍙，我就叫咗茶渍饭套餐🍲，套餐跟小食、沙律、味噌汤、饮品。我哋好好彩安排到坐落地大玻璃旁边，采光真系好好，加埋本身已经好靓好有质感嘅餐具碗盘，成件事系非常之igable！食物水准系好日式家庭式风味，唔会好重调味嘅，清清淡淡咁好试得出食材嘅原味！然后再叫多份甜品🍮，想赞下个柚子味雪糕好好味！边食又边倾偈，咁样过一个慢活嘅假日下午好舒服啊！