影片
更多
2022-11-12
794 浏览
平时好少食下午茶，感觉都系酒店餐厅呃钱嘅玩意，又唔好食又细份。不过想同朋友见面轻松倾下计，又有识食朋友介绍呢度嘅afternoon tea set，于是就嚟试下。茶园位于君悦酒店嘅阁楼，楼底非常高，空间好阔落，布置系比较传统嘅风格，有落地玻璃令到有室内自然光，感觉开扬同轻松啲。最正系有现场钢琴演奏，气氛好舒服，弹嘅系流行广东歌，好有中西fusion嘅味道XD 而家系11月，做紧秋季下午茶，闲日$368一位加一。下午茶架有三层，分别系scone、咸点同甜点，包一壶茶或者一杯咖啡，最特别就系任食即制crepe、窝夫、自家制雪糕、甜点心同水果，当然要空肚迎接😝 今次嘅秋季下午茶架有：🧈原味&苹果提子scone配柠檬忌廉、clotted cream同士多啤梨jam📝个scone牛油味香，少少干身但唔会好过份。个柠檬忌廉几正，超酸但好清新，好醒神😎🥪烟三文鱼香草忌廉芝士挞、英式咖喱鸡肉三文治、沙乐美肠意式肉肠芝士三文治、辣根忌廉烧牛肉卷、羊奶芝士烧南瓜批📝除咗肉肠芝士三文治比较普通，其他都几好食，尤其是羊奶芝士烧南瓜批，一摆入口真系有惊喜！质感好滑，少少咸香😋🧁朱古力焦糖慕丝泡芙、杏仁香梨忌廉蛋
茶园位于君悦酒店嘅阁楼，楼底非常高，空间好阔落，布置系比较传统嘅风格，有落地玻璃令到有室内自然光，感觉开扬同轻松啲。最正系有现场钢琴演奏，气氛好舒服，弹嘅系流行广东歌，好有中西fusion嘅味道XD
而家系11月，做紧秋季下午茶，闲日$368一位加一。下午茶架有三层，分别系scone、咸点同甜点，包一壶茶或者一杯咖啡，最特别就系任食即制crepe、窝夫、自家制雪糕、甜点心同水果，当然要空肚迎接😝
今次嘅秋季下午茶架有：
🧈原味&苹果提子scone配柠檬忌廉、clotted cream同士多啤梨jam
📝个scone牛油味香，少少干身但唔会好过份。个柠檬忌廉几正，超酸但好清新，好醒神😎
🥪烟三文鱼香草忌廉芝士挞、英式咖喱鸡肉三文治、沙乐美肠意式肉肠芝士三文治、辣根忌廉烧牛肉卷、羊奶芝士烧南瓜批
📝除咗肉肠芝士三文治比较普通，其他都几好食，尤其是羊奶芝士烧南瓜批，一摆入口真系有惊喜！质感好滑，少少咸香😋
🧁朱古力焦糖慕丝泡芙、杏仁香梨忌廉蛋糕、柠檬柚子吉士朱古力蛋糕、糖渍无花果枫糖忌廉合桃挞
📝甜品真系不分上下，全部都好食，唔会太甜，应有嘅味都好突出，而且卖相都好精致😊
至于任食方面，即叫即制嘅crepe系首推🤩可以拣原味crepe然后自己加酱同雪糕，亦都可以拣用橙酒煮，湿润嘅饼皮渗透酒香加橙香，必试😋雪糕都有成10只口味拣，有啲味几特别，例如粟米同巨峰提子，不过两只都唔好食🤪朱古味就高度推介，用咗72%嘅Valhorna朱古力，仲有朱古力碎喺入面，超浓郁又唔甜🤤
反而窝夫有啲可惜，一早整定，外皮偏硬身，入面又唔够松软。甜点心试咗一粒可丽露，非常难食，绝对唔需要浪费quota🙈
最后食到劲饱，仲食唔晒要打包，估唔到食下午茶都咁饱🤣环境食物都高质，同朋友过咗一个满足休闲嘅港女下午，值得一试👍🏻
张贴
