桔梗 (已結業)

听朋友讲呢间cafe食物高质，环境舒适，今日系旺角行街经过就入咗去食，餐厅有两层，门口走简约风，入面有唔少打卡位。餐厅主打系牛肉，我哋点左明太子锅烧乌冬配炸吉列和牛。见期间限定几特别，就点埋炸鸡与芝士欧姆蛋配咖哩酱。明太子锅烧乌冬配炸吉列和牛炸吉列和牛表面炸得金黄，外脆内软，五成熟牛肉咬落非常软身，肉质鲜嫩，食得出系高级牛肉，不愧为熊本县生产嘅极上和牛。明太子比想像中多，糖心蛋煮得恰到好处，乌冬爽身滑口，仲有好多配料，最得意嘅心型鱼蛋好睇又好食。炸鸡与芝士欧姆蛋配咖哩酱Daily special比想像中丰富，除左炸鸡同芝士欧姆蛋外，仲有新鲜嘅蔬菜沙律，以及烤得金黄嘅面包多士。炸鸡虽然外表平凡，但食落好有惊喜，因为炸嘅火喉控制得非常好，表皮粉浆簿而脆，而入面嘅鸡肉肉汁仍然锁住，唔会炸得过老。欧姆蛋亦系高质，蛋煎得香滑，入面中间啖啖芝士拉丝，配合秘制红酒巧克力咖喱酱汁，成件事完全冇违和感。总括而言，餐厅食物质素髙，环境舒适，下次有机会会再去。