XOXO Café Lab (已結業)

行街行到攰攰地想揾地方饮下野休息下，于是有fd系openrice睇到呢间cafe既资料，见到有少食又有野饮，于是就去试下，去到门口已经见到间cafe啲装修好靓，由于我地5个人所以俾左张卡位我地，坐得好舒服一啲都唔逼，有好多唔同既少食同饮品拣，叫左一客炸鸡，一客牛肉薄饼同一客沙律，沙律面头啲酸酸甜甜既乳酪好开胃，个薄饼啲芝士可以拉到出黎，个炸鸡最好食，热辣辣同埋上面有啲薯片，因为太好食，所以本身只系order左一客，但系好快食晒所以即刻叫多一客，我地叫左3款茶share饮，套茶具真系靓到忍唔住要即刻影低佢，大家一致觉得苹果花茶最好饮，苹果既清甜再加上茉莉花既香味，同埋佢可以无限添热水，当然味道会越冲越淡，但系比起另外两款，大家同样加冲左2次，仲可以饮到淡淡既苹果味，玫瑰花就淡得曼快，基本上第一次添水已然无咩味，整体黎计佢地啲野饮同野食都唔算贵，系行街行到攰个时有间咁既地方俾人休息下，又可以饮下野食少少嘢倾下计，的确唔错，大家食完都觉得想考虑迟啲约时间黎试下佢既晚餐~