The Lounge

营业中

休息中

星期六约埋两个buddies 去high tea, 呢度环境唔错，系市区酒店，餐厅内又静静地，啱晒姐妹倾计hea 一个下昼。三个人点了三份tea set, 职员话逢星期六大厨都会准备多3款咸点㖞，今日就系和牛汉堡，阿拉斯加蟹卷同一份春卷(唔记左个名!）呢3款都坚好味!个tea set 架就有一层系咸点，一层甜点，印象最深既系个鹅肝，甘香唔油腻。最唔满意既系其中一个柚子甜品，太甜，甜到有点难入口。饮品方便，我拣左个伯爵巧克力，可以配牛奶，但我唔饮奶茶既，就净上，朱古力味微弱，冲多两杯都已经变左伯爵茶啦！可以环境同心情影响，我一个人真系食晒全份，同行2位就各食剩2件。