NZ餐館 (已結業)

周末想帶隻狗去大棠玩下玩之前想食d野 就去左天空之城我地想食港式茶記 咁岩見到門口呢間好大 門口又有位 就入左黎由於冇食lunch嘅關係我地叫左個咖哩牛腩飯 呢個飯會配一個中湯或者西湯 再加多杯野飲我地揀左中湯 今日係花生眉豆雞腳 好足料 好夠味個咖哩都好正 係港式咖哩牛腩同牛筋都炆得幾淋 有d仲係半筋半腩 薯仔都好淋 反而最硬係舊西蘭花黎多個西多士西多炸得剛好 上碟都冇多餘嘅油 個邊炸得好脆 中間夾左一層花生醬（因為之前食過冇花生醬嘅西多）總括黎講呢間餐廳食物同環境都幾好 主要係可以帶主子黎 方便去玩