一盅點聚 (已結業)

今日同妈咪去食下午茶，经过依度新开嘅，入去试试。妈咪钟意饮茶，所以过嚟睇吓点样。座位都算阔落，唔知系疫情关系，定本身都算阔，坐落去冇咩压迫感。餐牌选择虽然唔太多，但总算包罗万有，饮茶基本嘅点心都有齐。餐牌选择虽然唔太多，但总算包罗万有，饮茶基本嘅点心都有晒。妈咪叫咗个蚬芥靓鱼球，虫草花鸡炖汤。我叫咗个章鱼肉饼饭，姜葱牛柏叶，同菜心。靓鱼球有三粒，三粒都大大粒，味道都唔差。炖汤都够两个人分，个人觉得味道可以再浓啲。章鱼肉饼饭分量十足，一笼笼既蒸饭，章鱼碎加喺肉饼上面。姜葱牛柏叶好够料，有八至九片。菜心正正常常。最后我仲叫咗个芒果布甸，个人觉得OK啊，因为布甸里面有粒粒嘅芒果。总结：呢餐饭算系唔错，大家有兴趣，不妨一试。