意樂餐廳 (麗港城商場)

营业中

休息中

今日赶时间，全日都系为咗做做做做做。第一餐竟然去到下午四点先有得食。嚟到丽港城商场又系下午茶时间，所以我又帮衬意乐餐厅。我最钟意食下午茶嘅时候可以加薯条都只系$10 。点知今次去到佢竟然话取消咗。如果要加，只通加芝士薯条$19我见唔系太多肚饿就冇叫啦，但其实好挂住啲脆薯条。今次见到新产品，系蕃茄浓汤通心粉。个汤真系几浓郁蕃茄味道，另一方面会有一块蒜蓉多士，都落重料㗎钟意浓味嘅一定好钟意。饮品方面，一定系佢嘅柠檬汁，冻柠茶。无得输。值得下次再帮衬。