小房子 (已搬遷) 新店位置

星期六想过一个休闲嘅下午，享受一下慢活嘅生活，朋友选择左小房子。本身睇食评话好多时都要等好耐，但我今日一去到就有位㖞，Lucky一入到去，环境真系好舒服，文青感十足，非常适合影相。职员话佢地系冇限时，亦冇最低消费，所以净系叫一杯野饮就真系可以坐足一个下午㖞，难怪人地话要等好耐啦。不过其实我好欣赏佢地，毕竟要系香港地做到同坚持到真系唔容易。至于食物方面，我系拣左颜值最高嘅樱花水玄信饼同樱花梅子梳打。朋友就拣左鳗鱼茶渍饭上菜速度都几慢，朋友一直叫肚饿。我个水玄信饼味道好清淡，旁边有个载有类似蜜糖嘅碗仔，顾客可根据个人喜好添加一齐食。梳打就普普通通啦，味道唔算特别。不过颜值高，见到心情会好好。朋友嘅茶渍饭，佢话都系冇咩特别，不过入面个蛋佢就话味道唔错。总括而言如果以食物质数黎讲，价钱方面就唔系好值啦。不过如果你系想享受慢活，感受一下文青嘅生活，小房子系适服嘅。