Simplylife Bakery Cafe (已結業)

呢间餐厅有几间分店，间间嘅门口都摆晒d靓靓酥点，引到人流晒口水，所以成日都要等位。今日放假，终于比我可以嚟个悠闲生活态度，同呀妈去叹下午茶，仲要唔使等位❨<-因为系闲日❩。餐厅装修感觉高档，食物卖相都很靓呀! 虽然下午茶餐牌只有几款，但都谂到我头都爆! 实在样样都想食。最终叫咗酵酸种面饱配山羊芝士、火箭菜、巴马臣芝士、醋烤红洋葱，贪佢个名够长，包冇死，茶餐仲有薯条同饮品配添，饮品就叫咗店员推介嘅杂莓茶冰。价钱唔贵wor﹐$48❨未计加一❩。高档餐厅嘅面饱果然系唔同d﹐口感都扎实d。红洋葱好多，仲咗d松子， 第一次咁样食法，都几好食。至于杯杂莓茶冰茶，有一小件柠檬，几片薄荷叶，甜度刚好，虽系跟餐嘅餐茶，都非常有诚意。