心選 (已結業)

难得放假，同朋友同佢嘅小朋友想揾个地方就脚食饭，又唔想斋食饭闷亲小朋友，所以就拣咗间喺旺角嘅楼上Cafe!门口都好有心思！餐厅内部布置咗圣诞嘅装饰～有种暖暖嘅感觉，比起街边仲有圣诞气氛！估唔餐牌竟然系手写嘅，仲画埋公仔好有心思！一坐低，小朋友最开心，因为有极大量Board game！多到眼花撩乱，小朋友玩到唔肯走呢！我点嘅卡邦尼长通粉有惊喜，都唔会太漏，加埋蛋黄味道不错！朋友点嘅辣韩式炸鸡长通粉都几唔错，炸鸡唔会太粉，又唔会太硬，烧辣辣炸起好好味！再叫咗一个芝士西兰花，小朋友最钟意呢个😆，因为有芝士！我地再另外叫多杯嘢饮，我嘅奶昔个外貌好靓～饮落都唔会太甜！后尾多人老板都冇嚟赶我地走，全程都坐得几舒服，所以下次都值得再嚟！