The Coffee Academics (駿逸峰) (已結業)

系湾仔附近食Lunch都食到闷，间唔时都会揾啲新餐厅去试吓。呢间餐厅平时都较为繁忙，午餐时段要book枱先有位置，今次经过都得返啲高枱位置可以坐。Lunch set价格比起周围食肆算系贵，今次因为同事比较多，所以每款都有得试下。我自己就唔系好叻品尝咖啡，不过有饮开咖啡嘅同事赞佢呢度啲咖啡都不错，而我呢杯就系白咖啡啦，卖相好靓。餐汤淡淡地都几好味。我自己对All Day Breakfast 有种喜爱，呢个个要$158嘅餐就显得有啲普通，份量不算多，炒蛋和香肠不错，其他一般，惊喜不大。呢个Impossible素肉汉堡就几有惊喜，素肉嘅口感同味道食落都真真嘅冇乜分别！整体来说，不过不失！