錦麗 (形點 II) (裝修中)

今日得闲经过元朗，知道呢度开咗一间锦丽，所以上嚟试吓！好彩未到食饭时间，所以快快脆脆入去坐低。因为一到食饭时间，就会大排长龙，所以今日好好彩！佢哋冇set lunch，只有散叫。所以我就叫咗一碗生熟牛肉汤河。侍应放咗一杯仔芽菜喺枱，另外仲有生辣椒。劲正，因为本人系劲食辣椒嘅，平时一般越南河要叫佢攞辣椒，仲要得几粒。我等左10分钟左右热辣辣嘅汤河就送上，汤底牛肉味非常清甜，另外牛肉嘅量都好多！有四件牛腩，另外仲有三片牛肉。牛腩好淋，非常好!