Espresso Alchemy

营业中

休息中

可以透入自然光既餐厅成个感觉系特别平静同舒服，好适合同朋友一齐坐下倾下计。今次呢间餐厅有充足既自然光☀️而且落地玻璃对出有个大空地，空间感好好。我地叫左两个set lunch 加甜品，慢慢叹😌《烟三文鱼沙律配柠檬🍋醋酱》烟三文鱼唔系薄薄一片，够厚实好有口感，而且唔太咸，柠檬醋酱酸酸地，中和咗烟三文鱼既腻，好开胃。配菜仲有黑橄榄、sun dried tomoto 同车厘茄，诚意十足😆《蟹肉味噌扁意粉》蟹肉份量好够，食每一啖粉都可以食到蟹肉，意粉质地好好，少少烟靭。朋友叫左flat white，佢话唔错，而我就叫左杯iced mocha，就算啲冰溶咗啲，咖啡仲好幼滑，而且仲好有朱古力味🍫最后当然要试埋甜品啦～《生酮宇治抹茶忌廉卷/ 生酮朱古力班朗尼忌廉卷》原本剩系想试一只味，但拣来拣去都拣唔到叫咩好，最后两个味都食🤣🤣🤣喺其他地方都试过抹茶卷🍵不过唔系生酮既，今次生酮抹茶忌廉卷食落嘅口感唔同，干身啲，因为减少左糖份，所以抹茶味好出。而朱古力班朗尼里面有一粒粒朱古力碎，而且朱古力味都好浓。