Dodam Chicken (1亞太中心) (已結業)

今日约咗朋友喺APM交收，跟住想喺附近食午餐，商场嘅餐厅，又多人，又成日食，真系想试吓新嘢。行前少少，去1亚太中心，𠮶座大厦都有好多餐厅。小朋友一望广告牌，就想去食炸鸡，咁我哋就去试吓。餐厅都几宽敞，有大窗可以望风景，光线好充足，可惜我哋唔系坐窗口位。睇menu……..好多都好正㖞……不过好多都辣，我小朋友唔食辣㖞…….揭多几页，好彩都有好多唔辣嘅选择。我哋叫咗黑松露卡邦尼意大利粉，玛格丽特薄饼，香脆鸡。脆香鸡一黎到唔见咗几嚿，小朋友急不及待叉咗嚟食，我想影张相留念都唔得😥。意粉好重黑松露味，好香。食食吓仲俾小朋友揾到芝士竹轮卷，佢好开心，因为平时西餐冇佢钟意食嘅竹轮卷，佢即刻揾晒嚟食😅。薄饼边劲脆，除咗平时嘅蕃茄酱同芝士，仲有一种啡色酱汁，甜甜地，成个Pizza走一圈，所以每一块都有少量，几得意。因为餐厅播住韩国流行曲，仲有个大电视。小朋友可以听住歌食饭，心情特别兴奋，一边食，一边跟着拍子点点头。因为你开心，我也很快乐😀。之后我哋仲倾咗一阵计，小朋友仲爆咗同学秘密俾我知，我哋突然friend咗好多🤣🤣🤣。总括，各样嘢也十分满意，会再嚟，希望小朋友下次再爆秘密俾我听😅。