The Butchers Club Grille (已結業)

二十几年前喺鲗鱼涌返工，冇啖好食，全部都系工业大厦，冇乜餐厅。今日约咗朋友佢午饭时间喺附近约见面同倾偈。嚟到鲗鱼涌，变化真系好大，多咗好多好靓嘅写字楼大厦，同埋好靓嘅餐厅。今日朋友订咗枱食西餐。佢话开咗冇几耐，想试吓。我同朋友叫咗牛油果凯撒沙律做头盘，沙律好新鲜， 牛油果都好大嚿。主菜我叫咗澳洲熟成手柳，份量啱啱好，好juicy同有牛肉味。我朋友叫咗个烤鲈鱼，佢话甜甜地，好香，几特别同几好味。食完叫咗杯咖啡继续倾偈，餐厅由坐满人到剩低一两枱，最后我哋都走呢。餐厅有个小角落系室外，方便啲钟意自然风嘅客人。 伙计有啲应该系ABC讲英文，但系全部都好有礼貌。