徐記廚房(點心) (已搬遷) 新店位置

最近都好积极尝试唔同嘅小店，每次都会好期待。今次两个人嚟到太子，就揾到哩间点心小店。🥢金银蛋瘦肉粥 $22哩个粥真系极失望☹️虽然米煮得好绵，但实在太稀，好似饮紧汤咁，而且皮蛋份量极少。🥢香煎萝卜糕 $25本身以为系腊味萝卜糕，点知嚟到见到无馅先知自己睇错，只系普通煎萝卜糕。萝卜糕都煎得几香，唔会太油，食到一丝丝嘅有萝卜，但以哩个价钱嚟讲实在不值。🥢姜葱牛柏叶 $28食左几旧先记得影🤭 牛柏叶唔算太爽，要咀嚼耐啲先咬得断，但胜在好够味，一啲都唔淡口👍🏻 配料嘅萝卜都好腍同入味。🥢香茜牛肉肠 $24牛肉肠都几惊喜，肠皮好薄又够滑身，用筷子夹左几次都会跌，牛肉够嫩，好味😋🥢酱皇蒸凤爪 $21凤爪个汁好惹味，味道就无得弹，可惜唔够腍，硬落去仲有啲爽爽地嘅感觉，如果再煮腍啲就好。茶位每人$5，可能因为茶壶供应不足，见到二人台上都无茶壶，但可以叫待应嚟斟茶，不过杯茶好淡，有色无味，似饮紧水咁。服务都唔错，老板娘都会同你倾下计。但小店嚟讲，真系有啲贵。