木言斤 (已結業)

星期六等老公收工就出旺角行下，为佢既新电话添新衣，行到旺中附近见到有间杂货店，好多精品，感觉好舒服，仲见到有个雪糕柜，正常叫黎食既时候发现原来有楼上雅座。环境好舒服，位置都好阔落。加上轻松既音乐，心情都特别好。睇一睇个menu，原来呢到有沙律，puff set同ice dog，ice dog?冻狗？咩黎嫁？我谂唔通呀，妈！望真d原来系有咸同甜既冻狗，我就当然心思思又想食咸又想食甜，各叫一只黎试试佢。 Jamon Dog $69冻狗外层同puff差唔多，好香脆又带蛋香，加入面既蜜瓜，好香甜，配上带咸香既黑毛猪，一向系绝配，但估唔到蜜糖芥末酱，令成只冻狗更好味，味道更凸出。Mixed berries ice dog $69呢只系一只雪糕狗，入面有红莓，黑莓，蓝莓，杂莓乳酪雪糕仲有吉士，外貌好吸引，睇落好少女，不得了。食落唔会好甜，杂莓带微酸，好开胃，雪糕有三球，由于佢系杂莓乳酪味，所以食落无咁甜同感觉轻盈d。坐得咁舒服，完全系一个休闲好地方。