影片
更多
2021-04-16
25 浏览
最近工作辛苦，会特别珍惜假日，去一啲舒服休闲嘅地方放空。本来西贡、赤柱或者去郊外系一个好选择，不过最近疫情舒缓咗，好多人都开始「出动」，原本休闲嘅地方反而人头涌涌，变得不休闲。要揾呢啲休闲嘅地方其实唔需要去到好远，喺西环坚尼地城呢边，亦都可以沿海漫步，轻轻松松过一个下午。呢度冇一般假日热点咁多人，而且酒吧林立，好多外籍人士踢住对拖鞋喺度饮酒谈欢，好有休闲感觉。见到呢种休闲感觉我哋都谂住揾间酒吧饮杯酒食吓野，见到【党99】呢间酒吧装修都几有格调，仲有买一送一Cocktail优惠就拣咗呢间啦。【Espresso Martini】钟意饮咖啡嘅拣啲杯Cocktail就啱晒啦，佢系用伏特加、咖啡利口酒、Espresso调配而成。咖啡味都几浓，甜甜地几好饮。【Fiery Mars】呢杯叫火热火星，有盐粒、黑芝麻围绕杯边，好似太空入边嘅碎石咁，而火红色嘅颜色就好似火星咁，其实佢系用啤酒、蕃茄汁、辣椒仔同埋柠檬汁制作嘅，系味道酸酸辣辣嘅酒，几刺激吓～慢慢品尝完Cocktail就医肚啦。【炸豆腐】一粒一粒炸到金黄色嘅豆腐砖，入面仍然保持Q弹软腍，豆味浓，必点之选。【露荀】比预期中细。【白鳝】外皮烧到脆卜
要揾呢啲休闲嘅地方其实唔需要去到好远，喺西环坚尼地城呢边，亦都可以沿海漫步，轻轻松松过一个下午。呢度冇一般假日热点咁多人，而且酒吧林立，好多外籍人士踢住对拖鞋喺度饮酒谈欢，好有休闲感觉。
见到呢种休闲感觉我哋都谂住揾间酒吧饮杯酒食吓野，见到【党99】呢间酒吧装修都几有格调，仲有买一送一Cocktail优惠就拣咗呢间啦。
【Espresso Martini】钟意饮咖啡嘅拣啲杯Cocktail就啱晒啦，佢系用伏特加、咖啡利口酒、Espresso调配而成。咖啡味都几浓，甜甜地几好饮。
【Fiery Mars】呢杯叫火热火星，有盐粒、黑芝麻围绕杯边，好似太空入边嘅碎石咁，而火红色嘅颜色就好似火星咁，其实佢系用啤酒、蕃茄汁、辣椒仔同埋柠檬汁制作嘅，系味道酸酸辣辣嘅酒，几刺激吓～
慢慢品尝完Cocktail就医肚啦。
【炸豆腐】一粒一粒炸到金黄色嘅豆腐砖，入面仍然保持Q弹软腍，豆味浓，必点之选。
【露荀】比预期中细。
【白鳝】外皮烧到脆卜卜。
【鸡翼】盐烧鸡翼，相当惹味。
【黑豚肉】黑豚肉就肥瘦适中，油脂都几丰富。
【牛肉稻庭乌冬】牛肉份量都几多，仲有洋葱、蒜片提味；稻庭乌冬细嫩幼滑，一食就想滑入喉咙咁～
【US Prime Rib eye】美国优质肉眼扒，上碟时已切成一块块方便分享share食。肉质鲜嫩，非常多汁，绝对系高质嘅牛扒。
享受完美食美酒，再沿住海边夜游好有怀旧feel嘅坚尼地城，海风轻拂，非常轻松写意～
张贴
