Sole Coffee (已結業)

朋友喺外国返来，难得有时间见一面，于是拣左 佢屋企附近这一间小店，享受一下久违嘅二人世界。虽然餐厅面积小小，但都可以拣坐吧台，望街景，亦可以坐餐枱，睇住开放式厨房，闻住阵阵咖啡香。收银枱附近放有水壶，可以让客人自助斟水。虽然餐牌嘅all day breakfast都好吸引，但朋友对鸡蛋敏感，所以我地就拣左三文治同埋意粉。侍应不单好有礼貌，仲好细心提醒我哋三文治入边嘅沙律酱都有机会含有蛋成份，主动提出帮我地剔除，真系要赞赏一下。菠菜忌廉烟三文鱼意大利面烟三文鱼摆到好似玫瑰花一样，非常精致。菠菜忌廉汁好creamy，而且浓郁，每条面条都有做到挂汁嘅效果，唔错。面条质感有嚼劲，我很喜欢。慢煮美国prime级下肩胛翼板肉三文治配粗薯条三文治烘得香脆，胛翼板肉牛味唔算强烈，但肉质唔会太韧，配合埋爽脆蕃茄同生菜，整个三文治嘅层次丰富了。粗薯条表面撒了少许盐，超脆而且够味。Hojicha latte，焙茶味几香，奶味略重。Kimono即系green tea，茶味清香，而且可以添水。侍应态度友善，环境舒适，真系让我地享受左个休闲写意的下午。