慢煮工業 (已結業)

呢间餐厅喺太子有两间分店，经常排长队，要事前book有位餐厅嘅气氛同格调都几休闲同舒适，仲有楼上雅座🥗 杂菜沙律配烟三文鱼呢个沙律用一个桶装起来几得意，烟三文鱼有浓浓嘅烟熏味，𠮶阵香味食完系口腔停留好耐，都唔会太咸，加上胡麻汁开胃岩岩好。🥬🧀 菠菜芝士焗蚝呢个焗蚝食唔出有腥味，而且非常饱满，蚝汁鲜甜配上浓味芝士，将蚝既鲜味进一步升华，但就唔系好食得出菠菜味，同埋只有三只真系唔太够喉。🥩 美国安格斯西冷牛扒黎到慢煮工业当然要试下佢哋嘅慢煮西冷牛扒，另外仲叫咗炒蘑菇同温泉蛋做配料。牛扒份量算多，脂肪分布均匀，但肉质冇想像中咁松软，🍟小食盘有薯条、鸡翼同炸鸡，鸡翼系单边骨嘅，食落好方便，味道有啲似麦当劳嘅炸鸡，微辣且偏咸。而芝士条可以拉到非常长，炸物都做到内脆外软嘅感觉🍰岩盐焦糖芝士蛋糕餐厅平日都有唔同款式嘅甜品，呢款蛋糕嘅配搭几好，岩盐令焦糖味更浓郁，带来甜蜜既味觉享受。