大漠 (已結業)

返左成个月终于放假，咁咪同女朋友食返餐特别野啰，上Openrice见到依间新疆菜又系屋企附近就决定试一试，都好耐无去过土瓜湾，黎到见到个装修好似好贵咁就周围行下睇下有无其他餐厅，不过都系觉得依间好似比较舒适啲就拣左依间，入到去环境唔错，好有中国文族feel，几得意，叫左个套餐A，先黎左两个羊肉汤，个汤好足料，好多𩠌，有粉丝，木耳丝，羊肉等等，唔似出面饮啲汤好似饮水咁，之后就黎凉拌豆腐，豆腐食落就唔系好特别不过都OK，跟住蜂蜜紫椰菜，几特别，咁大个仔都未食过炒既紫椰菜，甜甜地几好食，跟住唔记得果个系咩名，好似有西兰花同唔知咩菇，个菇食落好似鲍鱼片咁，最后就系个孜然羊肋排，以为会好大阵So味，但食落唔觉得So，有小小辣味，好香口。总体食物质素都唔错，同埋听佢地员工讲依度开左十几年老字号黎，下次如果有时间可能再去多次试下个羊宴