& green (已結業)

自从于理工读完书毕业后，出来工作就甚少到红磡一带，朋友早前发现于理工宿舍附近有间Cafe好似几正，于是约埋我去一试。餐厅环境宽阔，日系色调令人坐得舒适，而且楼底高无咁应声，倾密偈都唔怕俾隔离枱听到。食物价钱一般，美食味道都唔错。Sweet Potato Latte $42拉花都靓仔嘅，饮落好香滑的紫薯味，甜度适中，可以慢慢叹。 生姜豚肉饭 $93豚肉多片布满饭面，伴有少许葱花和洋葱粒，豚肉油香味美脂肪平均，饭粒粒分明，酱汁味浓，令人不自觉一啖接一啖食晒成碗饭。