BRICK LANE Deli (已結業)

无意中发现Brick Lane进驻了新城市广场，于是放工顺路过黎一试。店员好主动接待，坐低睇完餐牌之后，只要拎住台面上的台号就可以出去counter直接落单。晚市餐牌都好多款选择，有传统英式all day breakfast，fish n chips之外，亦都有Pizza，意粉等好饱肚嘅主食。忙完一日真系好肚饿，于是叫左好多嘢食。Lobster Eggs Benedict 荷兰汁配上一粒一粒龙虾肉，再加上蛋汁，味道意想不到的夹。½ Grilled Chicken 鸡肉烤完可以继续保存到肉汁，唔会变得好干好鞋，鸡胸厚肉部分都仲系好嫩，呢个值得推荐，至于配菜的薯蓉都好滑好香。Guinness Beef Stew with Bread 牛肉炖得好稔好入味，而且份量好大份，即使只系配面包都已经好饱肚。其实甜品都好吸引，但由于实在系好饱，食唔落，下次有机会要过黎试下佢啲甜品。