Pattern

营业中

休息中

假期间间都full哂，所以求其揾左间食下饭，倾下计。晚餐有2人套餐、有四人套餐。其实真系好抵。另外仲有好多Main Course同甜品，价钱相对系出面真系唔贵。头盘 - 沙律味道一般，但都可以接受。份量两个人食就岩岩好。主菜 - Carbonara 好好食，配料都好重手，而且份量好多，两个人share都可以分几次！主菜2 - 千岛酱杂锦海鲜薄饼 Pizza烤到个边好脆，好似食紧饼干，我朋友夸张到净系咁食饼边。不过个涵都唔错，海鲜配料都有好多，好足料。小食 - 鸡翼4只鸡翼真系要赞下！超好食，而且好入味，仲有小小蜜糖系面，好好味！另外，我地叫左份小食。芝士条都唔错，但入面既芝士可以再溶d，咁会好完美。