Dear Coffee & Bakery (已搬遷) 新店位置

上网见到呢间Cafe嘅面包同咖啡好靓又好有特色，就约咗三五知己一齐去呢间Cafe度试吓顺便打下卡。店入面嘅环境好静好舒服，我哋拣咗角落嘅一张高枱黎坐，望住街景就好似去咗台湾𠮶啲文青Cafe，系香港比较少见嘅宁静，好适合同朋友倾吓计食下野hea一日。我地叫咗4款包试。抹茶麻糬bagel、焙茶麻糬bagel、紫薯包同牛油果炒蛋吐司。麻糬bagel嘅texture唔错，外面好脆得黎入面嘅麻糬好烟靭。略嫌焙茶味比较淡，抹茶味亦带点苦。紫薯包口感及味道普通，无乜惊喜。比较推荐嘅系呢个牛油果炒蛋吐司。整体味道配合唔错😋咖啡味道ok不过系带酸嘅咖啡。如果你钟意带酸嘅咖啡不妨一试。虽然Cafe整体食物嘅味道同想像中有啲落差，但好适合打卡，环境都唔错架。