影片
更多
2021-12-28
470 浏览
友人生活將會掀開新的一頁，除了祝福，還是祝福！朋友係素食者，以非素食餐廳計，呢度算頗多選擇。最後揀咗半份素食all day breakfast同牛肝菌長通粉，再追加半份士多啤梨窩夫。超級滿足！All day breakfast有半個牛油果、炒雜菌、炒滑蛋、沙律菜，同薯條(可選多士)。薯條極度推薦，係粗薯，仲係新鮮熱辣炸起，好香脆！卡路里、熱氣嗰啲就唔好理住啦，食完先再算啦~🤤牛肝菌長通粉牛肝菌味頗濃郁，仲有幾多菇菇，但略嫌長通粉過腍，同但汁唔夠掛身。餐飲叫咗美式咖啡，一熱一凍，啡味幾濃，不苦不澀。欣賞凍飲吸管係天然嘢！👍愛護地球人人有責。士多啤梨窩夫唔記得咗影相窩夫好脆，又不太甜，好好食。希望下次試到伯爵茶窩夫😊有啲遺憾，下次可以揀少樣。閒日下午2點幾唔多人，所以我同朋友一路傾計，一路食，差不多食咗個幾鐘，店家都無趕，多謝你。🙏(傾到咁上下，見有人想食，都即刻走人，免得阻人做生意；後來先知原來有用餐時限，Sorry)💛
朋友係素食者，以非素食餐廳計，呢度算頗多選擇。最後揀咗半份素食all day breakfast同牛肝菌長通粉，再追加半份士多啤梨窩夫。超級滿足！
All day breakfast
有半個牛油果、炒雜菌、炒滑蛋、沙律菜，同薯條(可選多士)。薯條極度推薦，係粗薯，仲係新鮮熱辣炸起，好香脆！卡路里、熱氣嗰啲就唔好理住啦，食完先再算啦~🤤
牛肝菌長通粉
牛肝菌味頗濃郁，仲有幾多菇菇，但略嫌長通粉過腍，同但汁唔夠掛身。
餐飲叫咗美式咖啡，一熱一凍，啡味幾濃，不苦不澀。欣賞凍飲吸管係天然嘢！👍愛護地球人人有責。
士多啤梨窩夫唔記得咗影相
窩夫好脆，又不太甜，好好食。希望下次試到伯爵茶窩夫😊有啲遺憾，下次可以揀少樣。
閒日下午2點幾唔多人，所以我同朋友一路傾計，一路食，差不多食咗個幾鐘，店家都無趕，多謝你。🙏(傾到咁上下，見有人想食，都即刻走人，免得阻人做生意；後來先知原來有用餐時限，Sorry)💛
张贴
